اسلام آباد ۔ 16 اپریل (اے پی پی) سپیکر قومی اسمبلی اسد قیصر آکھیے جو پاکستان دا آئین سارے شہریاں دے حقوق دے تحفظ اتے انہاں کوں ترقی دے برابر مواقع ڈیونڑ دی ضما نت ڈیندے، آئین تحت 5 توں 16 سال تئیں دی عمر دے بالاں کوں تعلیم دی سہولتاں ڈیونڑ حکومت دی ذمہ داری ہے، عام لوکاں دے معیار زندگی چنگابناونر سانگے چنگیاں پالیسیاں بنڑاونڑ دی ضرورت ہے، اٹھارویں ترمیم نال صوبائی اکائیاں دی اہمیت اچ ودھارا تھئے اتے ہنڑ صوبے عام لوکاں دی زندگی بہتر بناونڑ سانگے چنگا کردار ادا کر سگدن۔ انہاں خیالیں دا اظہار اسد قیصر منگل کوں پاکستان انسٹیٹوٹ آف پارلیمنٹری سروسز اچ پائیدار ترقی دے اہداف دے حصول دے سلسلہ اچ تھیونڑ آلی 2ڈینھ دی قومی پارلیمانی مشاورتی کانفرنس دے افتتاحی اجلاس نال خطاب کریندے ہوئیں کیتے۔ سپیکر آکھیاجو موجودہ حکومت ملک توں غربت مکاونڑ، تعلیم اتے روزگار ڈیونڑ سانگے خصوصی توجہ ڈیندی پئی ہے۔
