اسلام آباد ۔ 19 اپریل (اے پی پی) سپیکر قومی اسمبلی اسد قیصرنال پاکستان اچ تیونس دے سفیرالعاربی عدیل جمعہ کوں پارلیمنٹ ہاوس اچ ملاقات کیتی ۔ایں موقع تے اسد قیصر دا آکھنڑ ہا جو جو تیونس شمالی افریقہ دا گیٹ وے ہے جڈاں جو پاکستان جنوبی ایشیاءدا گیٹ وے ہے۔ ڈوہائیں ملک تجارت، سیاحت، سرمایہ کاری اتے بئے شعبیں اچ ہک بئے نال تعاون ودھا تے سماجی تے اقتصادی ترقی دے ہک نواں سفر شروع کر سگدن، ڈوہائیں اسلامی ملک مذہب اتے تریخ دے لازوال رشتیاں اچ ہک بئے نال جڑے ہوئے ہن ، پاکستان تیونس نال اپنڑے تعلقات کوں وڈی اہمیت ڈیندے اتے سماجی تے اقتصادی شعبیں اچ تعا ون ودھاونڑ دا خواہشمند ہے۔انہاں آکھیا جو پارلیمانی سفارتکاری ڈوہائیںا سلامی ملکاں کوں ہک بئے دے نیڑے گھن آونڑ سانگے اہم کردار ادا کر سگدی ہے۔ تیونس دے سفیر سپیکر دی گالھیں دی تعریف کریندے ہوئیں آکھیا جو انہاں دا ملک خطہ اتے عالمی امن سانگے پاکستان دی کوششاں کوں قدر نال ڈیکھدے ۔
