کوئٹہ۔ 21 اپریل (اے پی پی) وزیراعظم پاکستان عمران خان کوئٹہ اچ دہشت گردی دا شکار لوکاںدے لواحقین کیتے نیا پاکستان ہاوسنگ اسکیم اچ پنج فیصد کوٹے دا اعلان کریندے آکھیے جو سیکورٹی فورسز اتے عوام دیاںقربانیاں پاروں ملک دی سالمیت اے،شہداءدے پسماندگان کوں کلہا نہ چھڑیسوں،دہشتگردی مکاونڑ کیتے کم جاری رکھیا ویسی۔اے گالھ وزیراعظم عمران خان وزیر اعلیٰ بلوچستان دے مشیر عبدالخالق ہزارہ اتے سابق رکن اسمبلی سردار ناصر ہزارہ دی اگوانڑی اچ ہزارہ برادری دے وفد نال گالھ مہاڑکریندے آکھی۔وزیراعظم آکھیے جو ہک ڈھاکے توں ہزارہ برادری دہشتگرداں دا نشانہ اے،ہر شہری کون تحفظ ڈیونڑ اتے ملک اچ امن کیتے رل مل تے کوششاں جاری رکھنڑیاں ہوسن،ایندے کیتے قومی یکجہتی دی لوڑھ اے۔انہاں شہیداں دے ٹبراں کوں پرچاونڑی ڈتی اتے فاتحہ خوانی کیتی۔
