کوئٹہ ۔ 16 اپریل (اے پی پی) صدر مملکت ڈاکٹر عارف علوی امن کوں ملک تے قوم دی ضرورت قرار ڈیندے ہوئیں آکھیے جو امن دے قیام تے کوئی سمجھوتہ کائناں کیتا ویسی،بلوچستان اچ امن و امان دے قیام کیتے وفاق صوبائی حکومت دے نال کھڑے۔اے گال انہاں گورنر بلوچستان جسٹس (ر) امان اللہ خان یاسین زئی اتے وزیراعلیٰ بلوچستان جام کمال خان نال گال مہاڑ کریندے ہوئیں آکھی جنہاں منگل کوں اتھاں انہاں نال ملاقت کیتی۔ملاقات دے دوران صوبے دی سیکورٹی صورت حال سمیت بئے اہم امور تے گال مہاڑ تھئی ۔ایں موقع تے صدر مملکت آکھیا جو امن دے قیام تے کوئی سمجھوتہ کائناں کیتا ویسی ۔ امن ملک تے قوم دی ضرورت اے۔ انہاں آکھیے جو بلوچستان اچ امن وامان دے قیام کیتے وفاق صوبائی حکومت دے نال کھڑے ۔ صدر مملکت آکھیا جو دھرنے دا پر امن اختتام باعث اطمینان اے۔ ملاقات اچ ایں عزم دا اظہارکیتا گیا جو ملک دشمن عناصر دی پاکستان دی ترقی دے خلاف سازشاں کوں ناکام بنڑایا ویسی۔
