اسلام آباد ۔ 2 اپریل (اے پی پی) صدر مملکت ڈاکٹر عارف علوی آکھیا جو اجوکی حکومت پاکستان دی سماجی تے اقتصادی ترقی سانگے عوام کوں اپنڑے ایجنڈے دا محور بنڑا رکھیے جیڑھی جو اساڈی خارجہ پالیسی دا محرکا ے،پاکستان افغانستان اچ امن سانگے امریکہ دا سانجھے دار وہسی،پاکستان پلوامہ حملہ دے بعد بھارت دے غیر ذمہ دارانہ رویہ تے ضبط تے تحمل دا مظاہرہ کیتے۔انہاں اے گالھ امریکہ دی کارنل یونیورسٹی دے وفد نال گالھ مہاڑکریندیں ہوئیں آکھی جنہاں منگل کوں ایوان صدر اچ انہاں نال ملاقات کیتی۔صدرآکھیا جو حکومت اوپن ڈور پالیسی تے عمل کریندی پی اے اتے سیاحاں اتے کاروباری بندیاں دا پاکستان دا خیر مقدم کرنڑ سانگے سوکھا ویزے دا نظام متعارف کروائے ۔انہاں آکھیا جو پاکستان دی حکومت کوں ہک کاروبار اتے سیاحت دوست ملک بنڑاونڑ سانگے اصلاحات تے عملدرآمد جاری رکھیسی۔صدر ڈونلڈ ٹرمپ دی پاکستان نال رل تے کم کرنڑ دی خواہش دا خیر مقدم وی کیتا۔
