صدر مملکت ڈاکٹر عارف علوی دی وفاقی ٹیکس محتسب مشتاق احمد سکھیرا نال گالھ مہاڑ

اسلام آباد ۔ یکم اپریل (اے پی پی) صدر مملکت ڈاکٹر عارف علوی آکھیے جو وفاقی ٹیکس محتسب داٹیکس وصولی دے نظام دے فیصلیاں دے خلاف متاثرین دی شکایتاں دور کرنڑ دے حوالہ نال اہم کردار ہے۔ انہاں ایہ گالھ وفاقی ٹیکس محتسب مشتاق احمد سکھیرا نال گالھ مہاڑ کریندے ہوئیں آکھی،جنہاں سنوار کوں ایوان صدر اچ عارف علوی نال ملاقات کیتی اتے سالانہ رپورٹ 2018ءصدر مملکت کو ں پیش کیتی۔ صدر عارف علوی وفاقی ٹیکس محتسب دی سفارشاں دے خلاف ری پریزنٹیشن دی تعداداچ گھٹکی تے اطمینان دا اظہار کیتے۔ انہاں الیکٹرانک کمپلینٹ مینجمنٹ انفارمیشن سسٹم دی تعریف کریندے ہوئیں آکھیا جو ٹیکس گزاراں تئیں رسائی سانگے ایس ایم ایس اتے ای میل مہم شروع کرنڑ سانگے ایف ٹی او دیاں کوششاں وی تعریف دے قابل ہن ۔ صدر مملکت ”اینڈرائڈ“ تے مبنی ڈیوائسز دے ذریعے شکایتاں درج کرنڑ دا نظام بنڑاونڑ تے وی وفاقی ٹیکس محتسب دی تعریف کیتی۔