صدر مملکت ڈاکٹر عارف علوی نال تاجک وزیردفاع کرنل جنرل شیر علی میرزوف دی ملاقات

President Dr. Arif Alvi talking to Defence Minister of Tajikistan, Colonel General Sherali Mirzo, who called on him in Islamabad on April 11, 2019.

اسلام آباد ۔ 11 اپریل (اے پی پی) صدر مملکت ڈاکٹر عارف علوی آکھیے جو پاکستان تے تاجکستان وچال ڈو پاسے دے تعلقات سانجھے عقیدے ،تاریخ تے اقدار دے اعتبار نال عبارت ہن ،اعلیٰ سطح تے باقاعدہ دوریں نال ڈو پاسے دے تعلقات دی قربت دی عکاسی تھیندی اے ۔اے گال انہاں تاجکستان دے وزیردفاع کرنل جنرل شیر علی میرزوف نال گال مہاڑ کریندے ہوئیں آکھی جنہاں خمیس کوں اتھاں انہاں نال ملاقات کیتی۔ صدر ایں گال تے خوشی دا اظہار جو ڈوہیں ملکاں دے دفاعی تے سیکورٹی حکام علاقائی سلامتی کیتے نیڑے تعاون کریندے پن تے تاجکستان اچ دفاعی پیداوار کیتے سانجھے منصوبیں دے امکانات دا جائزہ گھندے پن ۔انہاں سکیورٹی اتے انسداد دہشت گردی دے شعبیں اچ ڈو پاسے تعاون کوں مزید ودھاونڑ تے ٹریننگ دے ذریعے ہک ڈوجھے دے بہترین تجربیں توں فائدہ چاونڑ دی ضرورت تے زور ڈتا۔صدر عارف علوی ایں ضمن اچ اجوکے سال منشیات دی سمگلنگ تے منظم جرائم دے ذریعے فنانسنگ تے دہشت گردی کوں روکنڑ بارے بین الاقوامی تے علاقائی تعاون دے حوالے نال اعلیٰ سطح دی کانفرنس دے انعقاد کیتے بین الاقوامی تے علاقائی تعاون دے حوالے نال اعلیٰ سطح دی کانفرنس دے انعقاد کیتے تاجکستان دے صدر دے اقدام دی تعریف کیتی۔ ڈاکٹر عارف علوی آکھیا جوپاکستان تقریباً 175 ملکاں کیتے ای ویزہ اتے 50 کیتے آمد تے ویزے دی سہولت متعارف کرویندا پئے ۔انہاں امید ظاہر کیتی جو تاجکستان وی وسیع تر رابطیں کیتے پاکستانی کاروباری لوکاں کیتے ویزے دے عمل کوں سوکھا بنڑیسی۔انہاںاو آئی سی دے خود مختار مستقل انسانی حقوق کمشنر دی رکنیت کیتے پاکستان دی امیدواریت دی حمایت دی تعریف کیتی۔