عامر محمود کیانی دی ہدایات تے دوائیاں دیاں قیمتاں اچ غیر قانونی ودھارا کرنڑ آلیاں کمپنیاں دے خلاف پورے ملک اچ کریک ڈاﺅن جاری

اسلام آباد ۔ 12 اپریل (اے پی پی) وزیربرائے نیشنل ہیلتھ سروسز ریگولیشن اینڈ کو آرڈینیشن عامر محمود کیانی دی ہدایات تے دوائیاں دیاں قیمتاں اچ غیر قانونی ودھارا کرنڑ آلیاں کمپنیاں دے خلاف پورے ملک اچ کریک ڈاﺅن جاری اے،ایں سلسلے اچ ڈرگ ریگولیٹری اتھارٹی دے سربراہ تے فیڈرل ڈرگ انسپکٹر دے رلے مختلف ڈسٹری بیوشن تے اچانک چھاپہ مارتے دوائیاں دیاں ودھ قیمتاں وصول کرنڑ آلے سٹاک قبضے اچ گھندے پن ۔وزارت صحت دے ذرائع مطابق وزیر صحت عامر کیانی دی ہدایات تے کریک ڈاﺅن جاری اے جیں دے تسلسل اچ ڈریپ دی ٹیم پورے ملک دے مختلف شہراں راولپنڈی، لاہور، ملتان، فےصل آباد، کراچی، حےدرآباد اتے پشاور اچ وڈے پیمانے تے ایکشن کریندی پئی اے جڈاں جو غیر قانونی طور تے ودھ قیمتاں آلیاں دوائیاں قبضے اچ گھدیاں ویندیاں پن ۔