قومی احتساب بیورو دے ایگزیکٹو بورڈ دا اجلاس چیئرمین جسٹس (ر)جاوید اقبال دی صدارت اچ نیب ہیڈکوارٹر ز اسلام آباداچ تھیا

Px09-050 QUETTA: Jun09 – Justice (Retd) Javed Iqbal speaks during a press conference in Quetta. ONLINE PHOTO by Ahmad Kakar

اسلام آباد ۔ 29 اپریل (اے پی پی) نیب دے ایگزیکٹو بورڈ دا اجلاس چیئرمین جسٹس (ر)جاوید اقبال دی صدارت اچ نیب ہیڈکوارٹر ز اسلام آباداچ تھیا ۔ اجلاس اچ ڈپٹی چئیرمین نیب، پراسیکیوٹر جنرل اکاﺅ نٹیبلٹی، ڈی جی آپریشن اتے بئے سینئر افسراں شرکت کیتی۔ نیب گزریل کئی سالاں توں پالیسی مطابق لوکیں کوں ایگزیکٹو بورڈ دے اجلاس دی تفصیلات بارے لوکیں کوں ڈسیندے ،تاں جو ایندا مقصد کہیں دا دل ڈکھاونڑ نئیں ہوندا۔ نیب ڈسائے جو ساریاں انکوائریاں اتے انویسٹی گیشنز مبینہ الزامات دی بنیاد تے شروع کیتیاںگن ،جیرھی جو فائنل کائنی ۔ نیب دے ایگزیکٹو بورڈ دے اجلاس اچ12 انکوائریاںد ی منظوری ڈتی گئی،سابق صدر نیشنل بینک پاکستان سعید احمد اتے بئے، نیپرا، پی پی آئی بی دے افسراں/اہلکاراں، پورٹ قاسم کول پاور،ساہیوال کول پاور پراجیکٹس دے سپانسرز، میسرز حسنین کوٹیکس ،حیدر اشرف ڈی آئی جی پولیس ،امین وینس سی سی پی اولہور، عمر ورک ایس ایس پی اتے بئے،کامران اخترسابق ٹاﺅن نا ظم/ ایم پی اے بلدیہ ٹاﺅن کراچی،محکمہ صحت حکومت سندھ دے افسراں/اہلکاراں،،یونیورسٹی آف صوابی دے افسراں/اہلکاراں اتے بئے، پبلک سیکٹر کمپنیز خیبر پختونخواہ دے افسراں/اہلکاراں اتے بئے،سول ایوی ایشن اتھارٹی باچا خان انٹرنیشنل ائیرپورٹ پشاوردے افسراں/اہلکاراں اتے بئے اتے پھاٹا دے افسران/اہلکاراں اتے بئے،سعید احمد جاگرانی سابق ڈائریکٹر نارا کینال سیڈامیرپور خاص اتے نصرت ڈویژن محکمہ آبپاشی دے افسران /اہلکاراتے بئے شامل ہن۔ قومی احتساب بیورو دے ایگزیکٹو بورڈ دے اجلاس اچ کرپشن ریفرنس دائرکرنڑ دی منظوری ڈتی گئی ۔ چیرمین نیب دا آکھنڑ ہا جونیب سارے کیسز کوں قنون مطابق انجام تئیں پجاونڑ تے یقین رکھیندے اتے ایں سانگے ہر ممکن کوشش کیتی ویندی پئی ہے ۔