اسلام آباد۔11 اپریل(اے پی پی) پاکستان اچ جرمنی دے سبکدوش تھیونڑ آلے سفیر مارٹن کوبلر عام لوکیں دے نال براہ راست گالھ مہاڑ اتے عوام یار اقدامات کرتے سفارتی تریخ اچ نویاں مثالاں بنڑا چھوڑن ۔ مارٹ ن کوبلر گزریل ڈینھ پاکستان توں اپنڑے وطن روانہ تھی گئے ،اوہ ہمیشہ پاکستانیاں دے دلاں اچ وسدے راہسن ۔ کیونجو سارے پاکستان اچ انہاں دے ہزاراں چاہونڑ آلے ہن ۔سوشل میڈیا تے انہاں دے فالورز لکھاں دی تعداد اچ ہن۔ سفیر کوبلر کو ں خراج تحسین پیش کریندے ہوئیں، سینئر صحافی محمد ماجد جرال آکھیا جوا وہ ہک عظیم طبیعت دے مالک ہن اتے عام پاکستانیاں سانگے نرم دل رکھنڑ آلے بندے ہن۔ مارٹن کوبلروررگے لوک معاشرے سانگے ہک نعمت ہوندن ۔ کوبلر پاکستان توں روانہ رتھیونڑ ویلھا خود اپنڑے جذبات تے قابو نہ رکھ سگے اتے اپنڑے ٹویٹر اکاونٹ تے اپ لوڈ ویڈیوکلپ اچ آکھیا جوا وہ پاکستان کوں ڈکھی دل نال چھوڑ تے ویندے پن ۔
