اسلام آباد۔ 13 اپریل (اے پی پی)وفاقی وزیر خزانہ اسد عمر آکھیے جو حکومت ملک دی اقتصادی بحالی ، ودھارے کیتے جامع کم کریندی پئی اے، اقتصادی شعبہ اچ اصلاحات دے چنگے نتیجے نکلدے پین۔ اے گالھ انہاں واشنگٹن اچ پاکستانی نژادامریکی تاجراں، صنعتکاراںاتے ماہرین نال خطاب کریندے آکھی۔وزیر خزانہ عالمی بینک اتے عالمی مالیاتی فنڈ(آئی ایم ایف) دے سالانہ اجلاس اتے ایں موقع تے مختلف ملاقاتاں بارے وی ڈسایا۔انہاں پاکستانی نژاد امریکی تاجراں اتے صنعتکاراںکوںملک دی کلی معیشت (میکرواکنامک) صورتحال بارے وی ڈسایا۔ایں موقع تے انہاںپاکستان دی معیشت اتے حکومت دے مستقبل دے منصوبیاں بارے شرکاءدے سوالاں دے جواب وی ڈتن۔ انہاںا ٓکھیا جو تحریک انصاف دی حکومت ملک اچ سرمایہ کاری دے ودھارے اتے کاروبار اچ سوکھ کیتے کئی اقدامات کیتن۔انہاںا ٓکھیے جو ملک اچ سرمایہ کاری دے ودھ امکانات موجود ہین،امریکا اتے جگ دے بئے ملکاں اچ راہنڑ آلے پاکستانیاں کوں ملک اچ سرمایہ کاری دے موقع توں فیدہ چاونڑا چاہیدے، حکومت ملک اچ سرمایہ کاری کرنڑ آلے سرمایہ کاراں کو ں ہر سہولت ڈیسی۔
