میڈا لیڈر صرف عمران خان اے، جہانگیر ترین اتے شاہ محمود قریشی کوں گھر دی گالھ گھر اچ ہی رکھنڑی چاہیدی ہئی،شیخ رشید

اسلام آباد ۔ 4 اپریل (اے پی پی)وفاقی وزیر ریلوے شیخ رشید احمد آکھیے جو میڈا لیڈر صرف عمران خان اے، جہانگیر ترین اتے شاہ محمود قریشی کوں گھر دی گالھ گھر اچ ہی رکھنڑی چاہیدی ہئی،پی ٹی آئی دا کارکن جہانگیر ترین دی کابینہ اجلاس اچ شرکت کوں قبول نئیں کریندا،ریلوے اراضی کیس بہوں وڈا معاملہ اے،اے کیس میں آپ لڑساں۔اے گالھ وزیر ریلوے شیخ رشید احمدسپریم کورٹ دے باہرو میڈیا نال گالھ مہاڑکریندے آکھی۔ انہاں آکھیا جو ریلوے دی اراضی دا سکینڈل برصغیردا سب توں وڈا اسکینڈل اے،اے کیس میںا ٓپ لڑساں،نوسرباز گروپ دولت دی تڈ تے ہر بندے کوں ملھ گھنر دی کوشش کریندے۔ انہاںا ٓکھیے جو وزیراعظم عمران خان پی ایس اودا کم ریلوے کوں ڈیوا ڈتے۔ جہانگیر ترین اتے شاہ محمود قریشی دے جھیڑے بارے انہاں آکھیے جو اے پی ٹی آئی دا گھر دا معاملہ اےجیکر اے گھر اچ راہندا تاں چنگی گالھ ہئی،کارکن ایکوں کیویں ڈیہدے اے میڈا مسلہ نئیں،میں صرف ہک بندے کوں لیڈر گنڑداں جیندا ناں عمران خان اے۔