نوازشریف اتے زرداری توں قوم دے بالاں دی لٹی گئی دولت ولا گھنسوں، چوہدری فواد حسین

APP16-13 JHELUM: April 13 - Federal Minister for Information and Broadcasting, Chaudhary Fawad Hussain inspecting the project after inaugurates Water Filtration Plant at Government Boys and Girls College donated by Chinese company Dong Feng International in Pind Dadan Khan in District Jhelum. APP photo by Saeed-ul-Mulk

10 سالاں اچملک کوں 97 ارب ڈالر دا مقروض بنڑایا گئے،پنڈ دادنخان تحصیل اچ للہ انٹرچینج توں جی ٹی روڈ تئیں 9 ارب روپے دی لاگت نال سڑک ڈو رویہ تھیندی پئی اے
وفاقی وزیر اطلاعات ونشریات چوہدری فواد حسین دایونین کونسل گولپورکوں بجلی فراہمی منصوبے دے افتتاح دے بعد خطاب ، کوٹ کچااتے پتھر ندی اچ وی جلسہ نال خطاب کیتے
پنڈ دادنخان/ جہلم ۔ 13 اپریل (اے پی پی) وفاقی وزیر اطلاعات ونشریات چوہدری فواد حسین آکھیے جو نوازشریف اتے زرداری توں قوم دے بالاں دی لٹی گئی دولت ولا گھنسوں، 10 سالاں اچملک کوں 97 ارب ڈالر دا مقروض بنڑایا گئے،پنڈ دادنخان تحصیل اچ للہ انٹرچینج توں جی ٹی روڈ تئیں 9 ارب روپے دی لاگت نال سڑک ڈو رویہ تھیندی پئی اے۔ اے گالھ انہاں یونین کونسل گولپورکوں بجلی فراہمی منصوبے دے افتتاح دے بعد خطاب ، کوٹ کچااتے پتھر ندی اچ وی جلسہ نال خطاب کریندے آکھی۔انہاں آکھیے جو حکومت میرٹ اتے شفافیت تے یقین رکھیندی اے،جیہڑی تیزی نال ترقیاتی منصوبیاں تے کم تھیندا پئے،امید اے جو ایویں آندے پنج سالاں اچ اتھاں کوئی وی پانڑی دا منصوبہ نامکمل نہ راہسی۔فواد چوہدری سابق حکمراناں نوازشریف اتےا ٓصف علی زرداری دے نال نال مولانا فضل الرحمان تے وی سخت تنقید کیتی۔ انہان آکھیے جو چور اج وت کٹھے تھیندے پین،انہاں توں چوری دا پچھو تاں بیماریاں لگ ویندن جیکر گھر ونجن تاں ٹھیک تھی ویندن،اساں انہاں دے پچھو پئے ہوئے ہیں ۔لٹ مار دا پیسہ ولا گھن آسوں کیوں جو اے ساڈے قوم دے بالاں دا پیسہ اے۔ انہاںا ٓکھیے جوجہلم اتے پنڈ دادن خان دی وستی وستی اچ ترقیاتی کم مکمل کرویسوں کیوں جو ماضی اچ انہاں علاقیاں کوں ترقی توں محروم رکھیا گئے۔