اسلام آباد ۔ 17 اپریل (اے پی پی) وفاقی وزیر ہاﺅسنگ تے تعمیرات طارق بشیر چیمہ آکھیے جو ”نواں پاکستان ہاﺅسنگ منصوبہ“ ملکی تریخ دا شفاف منصوبہ ہوسی، 50 لکھ گھربنڑاونڑ دا منصوبہ چیلنجنگ ہے، نجی شعبہ دی مدد نال رہائشی سہولتاں ڈیونڑ دے عمل کوں اگی تے ودھیسوں۔ بدھ کو ں50 لکھ گھربنڑاونڑ دے منصوبہ تحت 25 ہزار رہائشی یونٹس بنڑاونڑ دی افتتاحی تقریب نال خطاب کریندے ہوئیں انہاں آکھیا جو اج دامنصوبہ وزیراعظم دا وژن اتے خواب ہے جینکوں عملی جامہ پوایا ویندا پئے، گھٹ آمدن آلے لوکیں کوں رہائش دی سہولت ڈیونڑ وزیراعظم عمران خان دا وژن ہا، میڈے کیتے ایہ خوشی دی گالھ ہے جو ایں منصوبے دے افتتاح دے موقع تے میں اتھاں موجود ہاں۔انہاں آکھیا جو نواں پاکستان ہاﺅسنگ منصوبہ دے حوالہ نال سارے قنونی اتے ضابطہ جاتی رکاوٹاں دور کرنڑ سانگے کم جاری ہے، ایں شعبے اچ نجی شعبے کوں وی شامل کیتا ویسی ۔
