وفاقی وزیر ریلوے شیخ رشید احمددی لہور اچ پریس کانفرنس
لاہور۔6 اپریل(اے پی پی )وفاقی وزیر ریلوے شیخ رشید احمد آکھیے جو وزیراعظم دی توجہ نال پی ایس اودی ترسیل داٹھیکہ ملنڑ ریلوے دی وڈی کامیابی اے،چھی مہینے اچ پندرہاں لکھ لیٹر تیل بچائے،بیاں 20 فریٹ ٹریناں چلیسوں،جناح ایکسپریس اچ بالاں دا کرایہ گھٹا تے ترائے ترائے ہزار فی کس مقرر کیتے،، رحیم یار خان اچ مال گاڈی دے حادثے سانگے نویں تحقیقاتی کمیٹی بنڑا ڈتی اے۔اے گالھ انہاں لہور ریلوے ہیڈ کوارٹرزاچ پریس کانفرنس کریندےا ٓکھی۔انہاںا ٓکھیے جو پسنجر ٹریناں دی بکنگ 80توں 100 فی صدتھی گئے اے،ٹریک دی صورتحال جانڑن کیتے ٹریک مشیناں اتے ریلوے انجناں اچ ٹریکر لائے ویسن،ریلوے افسران کوں کارکردگی ڈکھاونڑی ہوسی،اساں ستے ڈویثرناں اچ لوکوموٹو اسٹینڈ بائی رکھیندے پئے ہیں،ٹاپ گریڈ ٹرین تیکھے چلیسوں جیندے اچ ہائی ویلیو سیلون لائے ویسن،ناکارہ کمانڈ اینڈ کنٹرول سسٹم کوں بدلیا ویندا پئے،یارہاں فالتو انجناں کون ولا بحال کیتا ویسی۔وفاقی وزیر ریلوے آکھیے جو رائل پام کنٹری کلب دا عدالتی فیصلہ یارہاں اپریل کوں آویسی ۔
