وزیراعظم دی معاون خصوصی اطلاعات تے نشریات ڈاکٹر فردوس عاشق اعوان دی وفاقی کابینہ دے اجلاس دے بعد میڈیا بریفنگ

APP48-30 ISLAMABAD: April 30 - Special Assistant to PM for Information and Broadcasting Dr. Firdous Ashiq Awan along with Minister for Water Resources Faisal Vawda addressing a joint press conference at PID Media Centre. APP photo by Saeed-ul-Mulk

اسلام آباد ۔ 30 اپریل (اے پی پی) منگل کوں وزیراعظم دی معاون خصوصی اطلاعات تے نشریات ڈاکٹر فردوس عاشق اعوان وزیراعظم عمران خان دی صدارت اچ وفاقی کابینہ دے اجلاس دے بعد میڈیا بریفنگ اچ ڈسایا جو ترائے گھنٹے اجلاس جاری رہیاجیندے اچ 13 نکات تے غور کیتا گیا۔ کابینہ وزیراعظم کوں چین دے کامیاب دورہ تے ڈوطرفہ تعاون، استعداد کار اچ ودھارے اتے نینگراں دی تربیت، 1800 کلومیٹر ریلوے ڈبل ٹریک ایم ون سمیت غربت مکاونڑ دے ڈو طرفہ معاہداں تے مبارخباد ڈتی۔انہاں آکھیا جووفاقی کابینہ خیبرپختونخوا آلی کار بلدیاتی نظام پنجاب اچ لاگو کرنڑ، رمضان شریف اچ دفتری ٹائم سویل 10 وجے توں ڈوپہر 4 وجے تئیں کرنڑ، 1300 ارب دے گردشی قرضیاں دے آڈٹ، لیگل ایڈ سانگے جسٹس اتھارٹی بل، تریمتیں دا وراثت اچ حق ڈیونڑ دا بل، کوڈ آف سول پروسیجر اچ ترمیم دے بل سمیت 7بلاں دی منظوری ڈے ڈتی ہے۔انہاں آکھیا جو آندے کجھ ڈینھاں اچ حکومت ایوان اچ 36 بل گھن تے آندی پئی ہے۔وزیراعظم عمران خان ہدایات کیتیاں ہن جو رمضان شریف اچ لوڈ شیڈنگ نہ کیتی ونجے اتے عوام سانگے ریلیف پیکج دی فراہمی یقینی بنڑائی ونجے ۔انہاں آکھیاجو وفاقی کابینہ اوگرا ولوں پٹرولیم دی قیمت اچ 14 روپے ودھارے دی سمری ای سی سی کوں بھجوا ڈتی ہے ،تاں جو ایں تے بئی نظرثانی کیتی ونجے ۔انہاں آکھیا جوکابینہ 100 ارب دی بچت تے حکومت پنجاب دی کوششاں دی تعریف کیتی ہے۔انہاں ڈسایا جو وزیراعظم عمران خان (کل) مہمند ڈیم داافتتاح کریسن۔ انہاں آکھیا جواساڈے گردشی قرضے 1300 ارب ہن انہاں دے آڈٹ دا فیصلہ تھئے ،تاں جو ذمہ داراں دا پتہ لگ سگے ۔ آندے جلاس تئیں حقائق سامنڑے گھن آسوں۔ انہاں آکھیا جو سابقہ حکمراناں ولوں پنجاب اچ گڈ گورننس دے نعرے لاتے گئے ۔انہاں دے دوراچ 10 ہزار ارب توں ودھ دے خسارے دے علاوہ 100 ارب دے چیک باونس تھئے جڈاں جو جموجودہ حکومت نے 100 ارب دی بچت کیتی ،تاں جو سادگی تے بیا عمل تھیوے۔ انہاں آکھیا جو وزیراعظم ہدایت کیتی ہے جو زراعت دے حوالے نال صوبائی حکومتاں کوں ہدایات ڈتیاں ونجنڑ جو جاری سال مینھ دی وجہ نال تھیونڑ آلے نقصان دا جائزہ گھدا ونجے اتے کساناں کوںریلیف ڈتا ونجے۔ انہاں آکھیا جو فاٹا اتے وانا جو نو گو ایریا ہا، ایندے علاوہ انصاف ہیلتھ کارڈز ڈیونڑ دا فیصلہ کیتا گئے ، افواج پاکستان دی کوششاں نال امن و امان دی صورتحال بہتر تھئی اتے انہاںکوں قومی دھارے اچ شامل کیتا گئے۔ وفاقی وزیر آبی وسائل فیصل واوڈا ایںموقع تے قوم کو ں خوشخبری سنڑائی جو 2 مئی کوں وزیراعظم مہمند ڈیم داسنگ بنیاد رکھیسن، سابق چیف جسٹس ثاقب نثار، آرمی چیف کو ں وی سڈیا گئے ،جڈاں جو وزیر اعظم ایں موقع تے مہمان خصوصی ہوسن۔انہاں آکھیا جو وزارت آبی وسائل مہمند ڈیم منصوبے تے18 ارب روپے دی بچت کیتی ہے، اساں پاکستان کوں روشنیوں آلے پاسے گھن تے ویسوں، اساں54سال پرانڑے منصوبے کوں مکمل کرنڑ ویندے پئے ہسے ایہ منصوبہ انشاءاللہ 6 توں 7 سال اچ مکمل تھیسی۔ فردوس عاشق اعوان آکھیا جو حکومت اسمبلی فلور تے 36 بل پیش کرنڑ ویندی پئی ہے۔ اپوزیشن کوں نال گھن تے ٹرسوں، توقع ہے جوایہ پارلیمنٹ اپنڑاں کردار ادا کریندے ہوئیں چنگی قنون سازی سانگے اپنڑاں کردار ادا کریسی۔ ہک سوال دے جواب اچ انہاں آکھیا جو پی ٹی ایم اچ کجھ ایجھا لوک شامل تھی گن جنہاں کوں باہردی سرپرستی حاصل ہے ۔ پی ٹی ایم منفی اتے بے بنیاد پراپیگنڈا کیتے ۔ پی ٹی ایم قیادت دے تانے بانے باہرلے عناصر نال ملدن۔انہاں دے بے بنیاد پراپیگنڈاں نال قومی سلامتی کوں نقصان پجیا، ایں صورتحال اچ حکومت ہر ممکن کوشش کیتی جو انہاں کوں قومی دھارے اچ لاتا ونجے، تاں جوپی ٹی آئی اتھاں الیکشن اچ اپنڑے امیدوار وی نئیں کھڑے کیتے۔انہاں آکھیا جوجیرھالوگ نینگراں کوں ورغلانے اچ مصروف ہن انہاں نال چنگی طرح نبڑیا ویسی ۔ انہاں آکھیا جو وزیراعظم عمران خان پانڑیں دے ضیان کوں روکنڑ اتے ڈیم دی اہمیت اجاگر کر یندے پن۔انہاں آکھیا جو اگر باہرلے ملکاں اچ رہونڑ آلے پاکستانی انہاں منصوبیں اچ تعاون کریندے تاںا یہ منصوبے مکمل کرنڑ مشکل کائناں ہوندے ۔