اسلام آباد ۔ 19 اپریل (اے پی پی) وفاقی وزیر ریلوے شیخ رشید احمد آکھیے جو وزیراعظم پاکستان دا اجوکے مہینے چین دا دورہ بہوں اہم اے ،سی پیک منصوبیں تے خاطر خواہ پیشرفت تھیسی،پاکستان تے چین وچال مین لائن ون ریل منصوبے دے ابتدائی ڈیزائن تے دستخط تھیسن ۔ اے گال انہاں جمعے کوں چین دے صوبے ہوبے دے وائس گورنر ہوانگ چوپنگ نال وزارت ریلوے اچ ملاقات کریندے ہوئیں آکھی اے ۔پاکستان تے چین وچال سانجھے پرانڑیں تعلقات تے صوبہ ہوا دے حوالے نال اقتصادی تے ثقافتی تعلقات دے ودھارے تے گال مہاڑ کیتی گئی ۔ایں موقع تے شیخ رشید آکھیا جوج پشاور۔کراچی ایم ایل ون منصوبے دی تکمیل نال پاکستان اچ ریل دا انقلاب آسی۔ شیخ رشید ہوبے دی صوبائی حکومت کوں گوادر، کوئٹہ، تافتان ایم ایل ٹو ریل منصوبے اچ شراکت داری اتے سرمایہ کاری دی دعوت ڈتی۔ وائس گورنر وزیر ریلوے شیخ رشید احمد کوں ہوبے صوبے دے دورے دی خصوصی دعوت ڈتی جیں تے وزیر ریلوے ولوں وائس گورنرہوانگ چوپنگ دا وزارت ریلوے دورے دا شکریہ ادا ککیتا تے دورے دی دعوت قبول کر گھدی ۔ ایں موقع تے ہوبے صوبے دے وائس گورنر ہوانگ چوپنگ آکھیا جو پاکستان آتے اینویں لگا جیویں اپنڑے عزیز بھرا تے گھر آیا ،پاکستان دے لوکاں دی چین کیتے محبت تے شکر گزارہاں ۔
