وزیراعظم دے معاون خصوصی برائے احتساب بیرسٹر شہزاد اکبر دی نجی ٹی وی چینل نال گالھ مہاڑ

اسلام آباد ۔ 29 اپریل (اے پی پی) وزیراعظم دے معاون خصوصی برائے احتساب بیرسٹر شہزاد اکبر سنوار کوں نجی ٹی وی چینل نال گالھ مہاڑ کریندے ہوئیں آکھیے جو نےگزریل حکومتاں دے دور اچ کیتی گئی منی لانڈرنگ اچ تقریباً 11 بلین ڈالرز پاکستان توں باہرلے ملکاں اچ منتقل کیتے گئے‘ منی لانڈرنگ دے ہک بلین ڈالرز دی ریکوری پراسیس اچ ہے ۔انہاںآکھیا جو مختلف ملکاں دے نال مفاہمت دی یادداشتاں تے دستخط کیتے گن ،جیرھا جو لوٹی گئی قومی دولت دی ریکوری سانگے راہ سدھی کریسن۔ معاون خصوصی دا آکھنڑ ہا جوشریف خاندان پیسے غیر قنونی طریقے نال پیسے باہرلے ملکاںاچ منتقل کیتے ،ایں سانگے ہنڑ اوہ سزا توں نئیں بچ سگدے۔ انہاں آکھیا جو گزریل حکومتاں قومی اداریاں کوں ٹھیک کرنڑ دی بجائے انہاں کوں تباہ کر ڈتا۔ ہک سوال دے جواب اچ انہاں آکھیا جو قومی احتساب بیورو (نیب) ہک آزاد تے خود مختار ادارہ ہے ،جیرھا جو آزادی نال اپنڑاں کم کر یندا پئے اتے ایندے معاملات اچ کوئی ٹنگ نئیں اڑا سگدا۔