وزیراعظم دے معاون خصوصی یوتھ افئیرز عثمان ڈار دی ”اے پی پی“ نال گالھ مہاڑ

اسلام آباد ۔ یکم اپریل (اے پی پی) وزیراعظم دے معاون خصوصی یوتھ افئیرز عثمان ڈار سنوار کوں اے پی پی نال گالھ مہاڑ کریندے ہوئیں ڈسایا جوملک دے نینگراں سانگے یوتھ ڈویلپمینٹ پروگرام وختی شروع کیتا ویسی ، یوتھ پروگرام نینگراں کوں تعلیم، روزگار اتے کاروبار دے ذریعے معاشی اتے معاشرتی طورتے بااختیار بنڑیسی ۔ ایں پروگرام اچ زندگی دے ہر شعبہ نال تعلق رکھنڑ آلے نینگر شامل ہوسن۔ عثمان ڈار دا آکھنڑ ہا جو کجھ ڈینھ پہلے انہاں انفارمیشن ٹیکنالوجی دے وفاقی وزیر ڈاکٹر خالد مقبول صدیقی نال ملاقات کیتی، جیندے اچ نیشنل یوتھ ڈویلپمنٹ فریم ورک شروع کرنڑ دے منصوبے تے گالھ مہاڑ کیتی گئی۔ انہاں ڈسایا جو منصوبہ دا مقصد ملک دی ساری یونیورسٹیاں اتے 300 منظور شدہ ٹیکنیکل اداریاں اچ نینگراں کوں ہک ڈیجیٹل پلیٹ فارم فراہم کرنڑ ہے ،تاں جو طلباءکوں ست اہم ترقی کریندی ہوئیں ٹیکنالوجیز اچ تربیت ڈتی ونج جا سگے اتے پائیدار قومی اقتصادی نشونما کو ںیقینی بنڑایا ونج جا سگے۔