وزیراعظم عمران خان دا پاک چین فرینڈ شپ ایسوسی ایشن اتے پاک چین کلچرل ایسوسی ایشن ولوں ظہرانے توں خطاب

APP107-26 BEIJING: April 26 – Prime Minister Imran Khan addressing during Luncheon hosted by China-Pakistan Friendship Association and China International Culture Communication Center. APP

پاک چین اقتصادی راہداری پاکستان سانگے کہیں نعمت توں گھٹ کائنی ،سی پیک پاکستان کوں ڈوجھی ترقی یافتہ قوم دے برابر گھن تے آونڑ دا موقع ڈتے،اقتصادی ترقی تے خوشحالی سانگے امن تے استحکام ضروری اے،پاکستان امن تے استحکام سانگے اپنڑاں کردار نبھیندا پئے ، وزیراعظم عمران خان دا پاک چین فرینڈ شپ ایسوسی ایشن اتے پاک چین کلچرل ایسوسی ایشن ولوں ظہرانے توں خطاب
بیجنگ ۔ 26 اپریل (اے پی پی) وزیراعظم عمران خان آکھیا جو پاک چین اقتصادی راہداری پاکستان سانگے کہیں نعمت توں گھٹ کائنی ،سی پیک پاکستان کوں ڈوجھی ترقی یافتہ قوم دے برابر گھن تے آونڑ دا موقع ڈتے،اقتصادی ترقی تے خوشحالی سانگے امن تے استحکام ضروری اے،پاکستان امن تے استحکام سانگے اپنڑاں کردار نبھیندا پئے ۔جمعہ کوں بیجنگ اچ بیلٹ اینڈ روڈ فورم دے موقع تے پاک چین فرینڈ شپ ایسوسی ایشن اتے پاک چین کلچرل ایسوسی ایشن ولوں ظہرانے توں خطاب کریندیں ہوئیں وزیراعظم آکھیا جو چین دے صدر شی جن پنگ لائق تحسین ہن جنہاں ایں عالمی فورم اچ عالمی رہنماﺅاں کوں دعوت ڈتی اے۔انہاں آکھیا جو پاکستان اتے چین بھرا اتے دوست ملک ہن اتے چین دی ترقی نال پاکستان کوں وی خوشی تھیندی اے۔انہاں آکھیا جو او اپنڑے ملک ولوں سی پیک دی پوری حمایت دا اعلان کریندن اتے پورا ملک سی پیک دا حامی اے۔وزیراعظم ظہرانے تے منتظمین دا خصوصی شکریہ ادا کیتا۔