اسلام آباد ۔ 15 اپریل (اے پی پی) وزیراعظم عمران خان آکھیے جو ملک اچ انصاف دے نظام بنڑاونڑ اتے عام بندے کوں انصاف ڈیونڑ یقینی بناونڑ سانگے وکیلاں دا کردار اہم ہے، مضبوط بار ایسوسی ایشنز نہ صرف مضبوط عدلیہ بلکہ ملک اچ جمہوری اداریاں اتے چنگی حکمرانی سانگے اہم کردار ادا کریندن، حکومت بار ایسوسی ایشنز دے مسئلیاں دے حل سانگے ہر ممکن مدد کریسی۔ انہاں ایہ گالھ سپریم کورٹ بار ایسوسی ایشن دے وفد نال گالھ مہاڑکریندے ہوئیں آکھی،جنہاں سنوار کوں وزیراعظم نال ملاقات کیتی۔ وفد دی قیادت صدر سپریم کورٹ بار ایسوسی ایشن دے امان اللہ کنرانی کریندے پئے ہن۔ سارے صوبیں نال تعلق رکھنڑ آ لے ایگزیکٹو ممبروی ملاقات اچ شریک ہن۔ وزیراعظم بار دی درخواست تے بار ممبراں خاص کر بڑھڑے وکیلاں سانگے صحت انصاف کارڈ ڈیونڑ د ااعلان کیتا۔ وزیراعظم آکھیا جو بلوچستان دے وکیلاں کوں انہاں دے جائز حقوق ڈیونڑ سانگے حکومت مکمل تعاون کریسی۔ ملاقات اچ وفاقی وزیر اطلاعات تے نشریات چوہدری فواد حسین وی موجود ہن۔
