وزیراعظم عمران خان دی فرانسیسی کاروباری لوکیں دی تنظیم ”میڈف“ دے وفد نال ملاقات

اسلام آباد ۔ 8 اپریل (اے پی پی) وزیراعظم عمران خان آکھیے جو پاکستان اچ سرمایہ کاری دے وودھ سارے مواقع موجود ہن، حکومت کاروبار اچ آسانیاں پیدا کرنڑ سانگے ہر ممکن اقدامات کر یندی پئی ہے۔ انہاں ایہ گالھ فرانسیسی کاروباری لوکیں دی تنظیم ”میڈف“ دے وفد نال ملاقات دوران گالھ مہاڑ کریندے ہوئیں آکھی۔ وفد وزیراعظم آفس اچ انہاں نال ملاقات کیتی۔ میڈف فرانسیسی کاروباری لوکیں دی سبھ توں وڈی تنظیم ہے،جیندے ارکاناں دی تعداد ساڈھے ست لکھ توں ودھ ہے۔ وفدمینوفیکچرنگ، زراعت، توانائی اتے بئے شعبیں اچ سرمایہ کاری اچ دلچسپی ظاہر کیتی ہے۔ وزیراعظم فرانسیسی کاروباری شخصیات ولوں دلچسپی دا خیرمقدم کریندے ہوئیں آکھیا جو حکومت دی سرمایہ کار دوست پالیسیاں دی وجہ نال ملک اچ سرمایہ کاری دے مواقع ودھ گن۔ انہاں زراعت، مذہبی سیاحت، ساحلی سیاحت، پہاڑی علاقیاں دی سیاحت، صنعت، خصوصی اقتصادی زونز اچ سرمایہ کاری دے موجود مواقع تے روشنی پاتی۔ انہاں ملک اچ کاروبار ی آسانیاں اتے بہتری سانگے حکومت ولوں کیتے گئے اقدامات بارے وی ڈسایا۔