تہران ۔ 22 اپریل (اے پی پی) وزیر اعظم عمران خان دے اعزاز اچ سنوار کوں ایران دے صدارتی محل اچ باضابطہ استقبالیہ تقریب منعقد تھئی ۔ سعد آباد پیلس آمد تے وزیر اعظم دا پرتپاک استقبال کیتا گیا ۔ ایران دے صدر حسن روحانی پرتپاک انداز اچ وزیراعظم دا خیر مقدم کیتا ۔ ایں موقع تے ڈوہیں ملکاں دے قومی ترانے وجائے گے۔ وزیراعظم عمران خان گارڈ آف آنر دا معائنہ کیتا۔ ایران دے صدر اپنڑی کابینہ دے ارکان دا وزیر اعظم پاکستان نال تعارف کرایا جڈاں جو وزیراعظم عمران خان اپنڑے و فد دے ارکان کوں ایرانی صدر نال متعارف کرایا۔ وفاقی وزراءڈاکٹر شیریں مزاری تے وزیر اعظم دے مشیر تجارت عبدالرزاق داﺅد، معاونین خصوصی ذوالفقار بخاری، ظفر اللہ اتے ندیم بابر وی وزیراعظم دے رلے ہن۔
