اسلام آباد ۔ 22 اپریل (اے پی پی) پاکستان اچ چین دے سفیر ژاﺅ جنگ آکھیے جو وزیراعظم عمران خان دے دورہ چین نال سی پیک منصوبے کوں مزید تقویت ملسی، چین اچ 25 توں 27 اپریل کوں تھیونڑ آلی ڈوجھی بیلٹ اینڈ روڈ بین الاقوامی فورم توں وزیراعظم خصوصی خطاب کریسن، فورم اچ 37 ملکاں دے رہنما شرکت کریسن ،90فیصد مارکیٹ پاکستان کیتے کھولیاں ویسن جیں اچ ودھ توں ودھ مصنوعات چینی مارکیٹ تئیں پج سگسن ، چین اتے پاکستان وچال صنعتی تعاون کوںمزید مضبوط کرنڑ چاہندوں ۔اے گال انہاں وزیراعظم دے دورہ چین تے ڈوجھے بیلٹ اینڈ روڈ انٹرنیشنل فورم دے حوالے نال بریفنگ ڈیندے ہوئیں آکھی اے ۔ چینی سفیرآکھیا جو فورم دے بعد وزیراعظم عمران خان چینی قیادت نال ملاقاتاں کریسن تے دو پاسے ملاقاتاں دے دوران علاقائی صورت حال تے گال مہاڑ دے علاوہ سی پیک دے مختلف معاہدیں تے دستخط کیتے ویسن ۔انہاں آکھیے جو وزیراعظم عمران خان دے دورے دے دوران آزادانہ تجارتی معاہدے تے دستخط دا امکان اے۔
