لاہور۔22 اپریل(اے پی پی )وزیراعظم دی معاون خصوصی برائے اطلاعات تے نشریات ڈاکٹر فردوس عاشق اعوان آکھیا جو وزیراعظم عوام کوں ودھ توں ودھ ریلیف ڈیونڑ سانگے نویں معاشی ٹیم کوں عوام دوست بجٹ بنڑاونڑ دا ہدف ڈتے،اپوزیشن حکومت دے اکنامک ریفارمز ایجنڈے اچ شامل لانگ ٹرم پالیسی اچ اساڈے نال رل تے ملک کوں مضبوط کرے،اساکوں معاشی کشتی لڑنڑی اے،ایں ویلھے ملک سیاسی کشتی نی لڑ سگدا،میڈیا اتے حکومت اچ کمیونیکیشن دے خلاءکوں پر کیتا ویسی۔او سنوار کوں پنجاب اسمبلی دے باہر میڈیا نال گالھ مہاڑ کریندی پی ہن ،ایں موقع تے وزےر اعلیٰ پنجاب دے ترجمان ڈاکٹر شہباز گل وی موجود ہن ۔انہاں آکھیا جو میں یقین ڈویندی ہم جو پاکستان تحریک انصاف،وزیراعظم عمران خان اتے وزیراعلی پنجاب ہکے پیج تے ہن اتے عوام اساڈی طاقت اے،انہاں آکھیا جو میڈیا کوں اساں اپنڑی کمزوری کائنا بنڑیسوں،وزیراعظم عمران خان نشابر سنھیا ڈتے جو حکومت اتے میڈیا دا آپت اچ کمیونیکیشن خلاف بنڑیے اونکوں پُر کیتا ونجے۔
