لاہور۔30 اپریل(اے پی پی )وزیراعلیٰ پنجاب سردار عثمان بزدار دی صدارت اچ وزیراعلیٰ آفس اچ میڈیا کمیٹی دااجلاس تھیا جیندے اچ وزیراعظم دے معاون خصوصی افتخار درانی، صوبائی وزیر اطلاعات سید صمصام علی بخاری، ترجمان وزیراعلیٰ پنجاب ڈاکٹر شہباز گل، سیکرٹری اطلاعات، ڈی جی پی آر، متعلقہ حکام اتے سوشل میڈیا ٹیم دے ارکاناں شرکت کیتی۔ اجلاس اچ میڈیا نال رابطے چنگا بناونڑ دا فیصلہ کیتا گیا ،وزیرا علی ولوں اخباراں اتے میڈیا ہاﺅسز دے واجبات وختی ادا کرنڑ دی ہدایت، فنڈز ترجیحی بنیادیں تے ڈتے ونجنڑ دی ہدایت کیتی گئی۔ وزیراعلیٰ محکمہ خزانہ کوں ایں سانگے ضروری ہدایات وی جاری کیتیاں ۔ وزیراعلیٰ آکھیاجو نواں بلدیاتی نظام عام لوکاں دی فلاح تے بہبود دا نظام ہے اتے نویں نظام اچ اختیارات کوں تلویں سطح تے منتقل کیتا ویندا پئے۔ انہاں آکھیا جو نویں پاکستان اچ استحصال زدہ بلدیاتی نظام دی کوئی گنجائش کائنی۔ پنجاب ہر کم اچ لیڈ گھنسی اتے عوام بااختیار تھیسی۔
