لاہور۔15 اپریل(اے پی پی )وزیراعلیٰ پنجاب سردار عثمان بزدار سنوار کوں اسپیکر پنجاب اسمبلی اتے قائم مقام گورنر پنجاب چوہدری پرویزالٰہی نال وزیراعلیٰ ہاوس اچ ملاقات کیتی۔ ایں موقع تے ڈوہائیں رہنماواں وچال پنجاب دی سیاسی صورتحال تے گالھ مہاڑ کیتی گئی۔ پرویز الہی دا آکھنڑ ہا جو انہاں دی جماعت وزیراعظم عمران خان اتے وزیراعلیٰ عثمان بزدار دے نال ہک مٹھ تھی تے کھڑی ہے۔ ملاقات اچ وزیرآباد کارڈیالوجی ہسپتال کوں آپریشنل کرنڑ دے حوالے نال وی گالھ مہاڑ کیتی گئی اتے ہسپتال کوں درپیش سارے مسئلے حل کرنڑ سانگے فیصلہ کیتا گیا۔
