اسلام آباد ۔ 30 اپریل (اے پی پی) منگل کوں تھنک ٹینک آر پی آئی دے زیراہتمام پاک افغان ٹریک ٹو ڈائیلاگ سیمینار نال خطاب کریندے ہوئیں وزیرخارجہ شاہ محمود قریشی آکھیے جو پاکستان افغانستان اچ امن کیتے امن عمل اچ امریکا دی معاونت کریندا پئے، انٹرا افغان ڈائیلاگ دے ذریعے ہی معاملات ٹھیک کیتے ونج سگدن ، پاکستان طالبان اتے امریکہ دے براہ راست مذاکرات دی حمایت کیتی، اساں سمجھدوں جو دوحہ تے قطر دے مذاکرات دے چنگے نتیجے نکلسن ،افغان عوام دا حق اے جو او جیرھا وی فیصلہ کرن ،بدقسمتی نال ایں مہینے دوحہ اچ تھیونڑ آلے مذاکرات ملتوی تھی گن ، افغانستان ایشیاءدا دل اے۔ اساں افغانستان دے ساریں توں وڈے سانجھے دار ہوں ۔ شاہ محمود قریشی آکھیا جو پاکستان اتے افغانستان وچال ٹریک تو ضروری اے ، افغانستان پاکستان کیتے اہمیت رکھیندے ،افغانستان نال چنگے تعلقات اساڈی ترجیح اے ۔افغانستان اچ ایکشن پلان فار پیس کوں لاگو کرنڑاں ہوسی تاں جو اعتماد سازی اچ مدد مل سگے ۔انہاں آکھیا افغاستان اچ امن افغاستان دے اپنڑے لوکاں دے ذریعے ہی آسگدے ۔
