اسلام آباد ۔ 15 اپریل (اے پی پی)وزیرخارجہ شاہ محمودقریشی آکھیے جو پاکستانی اتے نیپالی عوام دے آپس اچ چنگا رابطے ہن اتے مستقبل اچ ڈوہائیں ملکاں وچال تعلقات بئے پکے تے چنگا تھیسن ، انہاں آکھیا جواردن، پاکستان دا چنگا یار ملک ہے ،جیں ہر اوکھا ویلھا پاکستان دا ساتھ ڈتے۔ وزیرخارجہ ایہ گالھ سنوار کوں پاکستان اچ نیپال دی سفیر مس سیوا لمسال ادھیکاری اتے اردن دے سفیر میجر جنرل (ر) ابراہیم المدنی نال وزارت خارجہ اچ ملاقات کریندے ہوئیں آکھی۔ نیپال دی سفیر نال ملاقات اچ ڈو طرفہ تعلقات،ڈوطرفہ تجارت اتے سانجھی دلچسپی دے امور تے گالھ مہاڑ کیتی گئی ۔ وزیر خارجہ مخدوم شاہ محمود قریشی نیپال اچ حالیہ طوفانی مینھ دے نتیجے اچ تھیونڑ آلے جانی نقصان تے ڈکھ تے افسوس دا اظہار کیتا ۔ ملاقات اچ ڈوہائیں ملکاں وچال عوامی رابطہ مہم ودھاونڑ سانگے اتفاق کیتا گیا۔ وزیرخارجہ اتے اردن دے سفیر میجر جنرل (ر) ابراہیم المدنی وچال ملاقات اچ ڈو طرفہ تعلقات، پاکستان اتے اردن وچال دلچسپی دے شعبیں اچ تعاون تے گالھ مہاڑ کیتی گئی۔ وزیرخارجہ آکھیا جو پاکستان اتے اردن وچال سانجھا مذہبی اتے بھرپی آلے تعلقات ہن ۔ انہاں آکھیا جو اردن، پاکستان دا چنگا یار ملک ہے ۔ وزیر خارجہ اردن دے سفیر دی پاکستان اچ تعیناتی تے نیک تمنادا اظہار کریندے ہوئیں آکھیا جو اوہ ڈوہائیں ملکاں وچال تعلقات کوں بیا پکا کرنڑ سانگے اپنڑاں کردار ادا کرنڑ۔
