وزیر اعظم عمران خان قوم نال وعدہ کیتے جو کہیں دی ڈکٹیشن نہ گھنسن،وزیر مملکت برائے داخلہ شہریار خان آفریدی

اسلام آباد۔ 14 اپریل(اے پی پی ) وزیر مملکت برائے داخلہ شہریار خان آفریدی آکھیے جو وزیر اعظم عمران خان قوم نال وعدہ کیتے جو کہیں دی ڈکٹیشن نہ گھنسن،علمائے کرام انبیائے کرام دے وارث ہین،ساکوں علمائے کرام کوں عزت ڈیونڑی اے،اپنڑے کردار، عمل کوں رب العزت دے احکامات دے مطابق بنڑاونڑاہوسی۔ اے گالھ وزیر مملکت برائے داخلہ شہریار خان آفریدی اسلام آباد اچ پیغام اسلام کانفرنس نال خطاب کریندے آکھی۔انہاں آکھیا جو پاکستان دے فیصلے ہنر پاکستان اچ تھیسن،جیکر کوئی سمجھدے جو اے ریاست پاکستان کہیں دے اشارے تے کم کریسی تاں اے اوندی بھل اے،ساڈا اللہ نال وعدہ اے جو کہیں دے اگو سر نہ جھکیسوں۔ شہریار خان آفریدی آکھیا جواج پورے جگ دے دید امت مسلمہ تے اے،ساڈے تے یورپ اپنڑی سوچ مسلط کریندا پئے،اساں انہاں دی بنڑائی ہوئی ٹیکنالوجی و ادویات استعمال کریندے پئے ہیں،ساکوں امت مسلمہ دے مسلے حل کرنڑکیتے ہک مٹھ تھیونڑا ہوسی،علماءکرام ممبر توں ہک بئے کوں جوڑن دا سنیہا ڈیون،جیکر کوئی ریاست دے خلاف اٹھسی تاں اوندے خلاف اساں سارے رل تے کھڑے تھیسوں۔