لاہور۔30 اپریل(اے پی پی )وزیر اعلیٰ دی صدارت اچ پارلیمانی پارٹی دا اجلاس پنجاب اسمبلی دے کیفے ٹیریا اچ تھیا ۔ایں موقع تے عثمان بزدار آکھیا جواسمبلی ارکاناں دے اعتماد تے پورا لاہساں، اتے انہاں دااعتماد کڈاہیں خراب کائناں کریساں۔ کیفے ٹیریا اچ صوبائی پارلیمانی پارٹی دا اجلاس منعقد تھیا۔انہاں آکھیا جوماضی دی غلطیاں دے حل سانگے نواں بلدیاتی نظام گھن تے آندے پئے ہسے، ہر ڈویژن اچ میٹروپولیٹن کارپوریشن بنڑسی ۔انہاں آکھیاجو40ارب روپے دے ترقےاتی فنڈز تلویں سطح تے ڈتے ویسن، دیہات اچ تحصیل کونسلاں اتے پنچایت سسٹم قائم کیتا ویسی۔انہاں آکھیا جو ایجھا کم کریسوں جیرھا جو تریخ اچ ہمیشہ یاد رکھے ویسن -انہاں ارکاناں کوں آکھیا جو اسمبلی دی عزت تے احترام بحال کرویسوں ،کیونجو تساڈی عزت ہی میڈی عزت ہے ۔
