اسلام آباد ۔ 10 اپریل (اے پی پی) وزیر خارجہ شاہ محمود قریشی آکھیے جو پاکستان افغانستان سمیت خطے اچ قیام امن کیتے اپنڑاں کردار ادا کریندا رہ ویسی ۔اے گال انہاں پاکستان اچ نویں تعینات افغان سفیر مشال عاطف نال گال مہاڑ کریندے ہوئیں آکھی جنہاں بدھ کوں اتھاں وزارت خارجہ اچ انہاں نال ملاقات کیتی۔گال مہاڑ دے دوران افغانستان دی صورت حال تے خاص طور تے افغان مفاہمتی عمل تے گال مہاڑ کیتی گی۔افغان سفیرعلاقائی امن بالخصوص افغانستان اچ امن و استحکام کیتے پاکستان دے کردار تے کوششاں دی تعریف کیتی ۔وزیر خارجہ ایں موقع تے آکھیے جو پاکستان افغانستان سمیت خطے اچ قیام امن کیتے اپنڑاں کردار نبھیندا رہ ویسی ۔وزیر خارجہ مخدوم شاہ محمود قریشی افغان سفیر کیتے نیک خواہشات دا اظہار کیتے تے پاکستان اچ انہاں دی تعیناتی دا خیر مقدم کیتے ۔
