اسلام آباد ۔ 20 اپریل (اے پی پی)وزیر خارجہ شاہ محمود قریشی اپنڑے جاپانی ہم منصب تارو کونو دی دعوت تے آڈت 21 اپریل توں جاپان دا ترائے ڈینھ دادورہ کریسن۔ وزیر خارجہ شیڈول دے مطابق اپنڑے جاپانی ہم منصب سودھے بئے اعلیٰ حکام نال ملاقاتاں کریسن اتے انہاں نال اہم امور تے گالھ مہاڑ کریسن ۔ وزیر خارجہ دا اے دورہ ڈوہائیں ملکاں وچال اعلیٰ سطح تے تبادلیاں دا حصہ ہے ،جیندی مدد نال ڈوطرفہ تعلقات بئے پکے تھیسن۔ وزیر خارجہ پاکستانی کمیونٹی اتے نمایاں میڈیا ہاﺅسز دے علاوہ جاپانی دانشوراں، ماہرین تعلیم اتے کاروباری لوکیں نال ملاقاتاں وی کریسن۔
