وزیر خارجہ شاہ محمود قریشی 21 اپریل توں جاپان دا ترائے ڈینھ دا دورہ کریسن

اسلام آباد ۔ 19 اپریل (اے پی پی)وزیر خارجہ شاہ محمود قریشی اپنڑے جاپانی ہم منصب تارو کونو دی دعوت تے 21 اپریل توں جاپان دا ترائے ڈینھ دادورہ کریسن۔ ترجمان دفتر خارجہ ڈسائے جو وزیر خارجہ شیڈول مطابق اپنڑے جاپانی ہم منصب سمیت بئے اعلیٰ حکام نال ملاقاتاں دوران مختلف اہم امور تے گالھ مہاڑ کریسن ۔ ترجمان دا آکھنڑ ہا جو وزیر خارجہ دے ایں دورہ نال ڈوہائیں دونوں ملکاں وچال اعلیٰ سطح تے تبادلیاں دا حصہ ہے ،جیندی مدد نال ڈوطرفہ تعلقات بئے پکے تھیسن۔ وزیر خارجہ پاکستانی کمیونٹی اتے نمایاں میڈیا ہاﺅسز دے علاوہ جاپانی دانشوراں، ماہرین تعلیم اتے کاروباری لوکیں نال ملاقاتاں وی کریسن۔