اسلام آباد ۔ 11 اپریل (اے پی پی) وزیر خزانہ اسد عمر دی قیادت اچ پاکستان دے وفد عالمی بینک اتے عالمی مالیاتی فنڈ (آئی ایم ایف) دے موسم بہار دے اجلاس اچ شرکت کیتی ، اجلاس اچ وزیر خزانہ عالمی بینک اتے آئی ایم ایف سینئر عہدیداراں نال ملاقات کیتی ۔ عالمی بنک دے صدرڈیوڈ مالپاس پاکستان دی حکومت ولوں اصلاحات دے عمل دی تعریف کریندے ہوئیں ایں ضمن اچ عالمی بنک ولوں تعاون جاری رکھنڑ دا یقین ڈیوائے۔ملاقات اچ وزیرخزانہ اسدعمر عالمی بنک دے صدر کوں ملک دی کلی معیشیت (میکرواکنامک ) صورتحال دا ڈسایا تے اینکوں پاکستان تے عالمی بنک وچال امور تے گال مہاڑ کیتی ۔وزیرخزانہ عالمی مالیاتی فنڈ(آئی ایم ایف) دے فرسٹ ڈپٹی منیجنگ ڈائریکٹرڈیوڈ لپٹن نال وی ملاقات کیتی تے انہاں توں پاکستان تے آئی ایم ایف وچال مذاکرات متعلق امور تے گال مہاڑ کیتی۔وزیرخزانہ اسدعمر پاک یوایس بزنس کونسل دے ارکان نال وی ملاقات کیتی ۔ایں موقع تے پیپسی کو، کوکاکولا، پراکٹراینڈگیمبل، اوبر اورفیس بک دے نمائندے وی موجود ہن۔ کمپنیاں پاکستانی معیشت اتے پاکستانی مارکیٹ اچ گہری دلچسپی ظاہرکیتی ، انہاں مستقبل دے منصوبیں اتے ایں ضمنا چ پاکستان دی حکومت ولوں مطلوبہ تعاون متعلق امورتے گال مہاڑ کیتی ۔وزیرخزانہ آکھیا جوپاکستان تحریک انصاف دی حکومت ملک اچ کاروبارکوں سوکھا بنڑاونڑ کیتے اقدامات کریندی پئی اے ۔انہاں ملک اچ ادارہ جاتی تے ڈھانچہ جاتی اصلاحات بارے وی ڈسایا تے آکھیا جو وزیراعظم عمران خان اصلاحات دے عمل دی خودنگرانی کریندے پن ۔
