اسلام آباد ۔ 29 اپریل (اے پی پی) وزیر داخلہ اعجاز احمد شاہ سنوار کوں پولیس لائن ہیڈ کوارٹرز اسلام آباد دا دورہ کیا اتے ڈو کروڑ روپے لاگت نال لاگت بنڑائے گئے جدید ’فائرنگ سمیولیٹر‘ داافتتاح کیتا۔ تفصیل مطابق آئی جی اسلام آباد پولیس محمد عامر ذوالفقار خان ڈی آئی جی/سیکورٹی ڈویژن، ڈی جی آئی/ہیڈ کوارٹرز، ایس ایس پی/ہیڈ کوارٹرز دے کٹھے وزیر داخلہ دا خیر مقدم کیتا جتھاں انہاں کوں گارڈ آف آنر پیش کیتاگیا۔ وزیر داخلہ یادگار شہداءتے پھل رکھے۔ وزیر داخلہ سکول آف انویسٹی گیشن دا دورہ وی کیتا اتے آئی این ایل دی مدد نال مدد نال بنڑائے گئے جدید ’فائرنگ سمیولیٹر‘ داا فتتاح کیتا۔ انہاں کوں سکول آف انفارمیشن ٹیکنالوجی اتے ای لرننگ دی سہولت بار ے بریفننگ ڈتی گئی ۔ وزیر داخلہ وزیراعظم دی کلین اینڈ گرین پاکستان مہم تحت پولیس لائنز ہیڈ کوارٹرز اچ بوٹا وی لاتا ۔ ایں موقع تے وزیر داخلہ خطاب اچ عام لوکیں دی عزت اتے مقدمے مفت درج کرنڑ دی گالھ تے زور ڈتا۔ انہاں سینئر افسراں کوں آکھیا جوا وہ آئی سی ٹی پولیس دا خیال رکھنڑ اتے نینگراں دی ہک فیملی آلی کارعزت کرنڑ اتے انہاں دا حوصلہ ودھاونڑ۔ انہاں اسلام آباد ٹریفک پولیس کو ںہدایت کیتی جو ٹریفک آگاہی مہم شروع کیتی ونجے تاں جو شہریاں کوں ٹریفک ریگولیشنز بارے پتہ لگ سگے۔ انہاں انسپکٹر جنرل پولیس عامر ذوالفقار ولوں اسلام آباد پولیس لائنز ہیڈ کوارٹرز دے دورے دی دعوت تے شکریہ ادا کیتا۔ اپنڑاں عہدہ سانبھنڑ دے بعد وزارت دے کہیں وی متعلقہ دفتر دا ایہ انہاں دا پہلا دورہ ہا۔ انسپکٹر جنرل پولیس وزیر داخلہ دا شکریہ ادا کیتا اتے انہاں کوں توقعات مطابق فرائض انجام ڈیونڑ دا یقین ڈیوایا۔
