وزیر مملکت برائے موسمیاتی تبدیلی زرتاج گل دا شجرکاری مہم بارے تقریب توں خطاب

ملتان ۔01اپریل(اے پی پی) وزیر مملکت برائے موسمیاتی تبدیلی زرتاج گل آکھیا جو بے نظیرانکم سپورٹ پروگرام سمیت سیاسی شخصیات نال جڑے سارے پروگرامز دے ناں بدل ڈتے ویسن،انہاں پروگراماں کوں محترمہ فاطمہ جناح ،سرسیداحمد خان اتے بئے قومی مشاہیر دے ناں نال منسوب کیتا ویسی۔اے گالھیں انہاں ملتان اچ سلطان فاﺅنڈیشن ولوں شجر کاری مہم بارے تھیونڑ آلی تقریب توں خطاب کریندیں ہوئیں آکھی۔انہاں آکھیا جو گزریل چھی مہینے اچ اساڈی وزارت بہوںکم کیتے اتے ایں دا کریڈٹ عمران خان کوں ویندے جنہاں دے کلین اینڈ گرین پاکستان دے ویژن کوں اگوں ودھیندے پیوں۔انہاں آکھیا جو ماحول کوں چنگا بنڑاونڑ سانگے ونڑ لاونڑ ساریاں توں سوکھا اتے گھٹ خرچ طریقہ اے۔