وزیر مملکت موسمیاتی تبدیلی زرتاج گل دا مسلم لیگ (ن) دی ترجمان مریم اورنگزیب دے بیان تے ردعمل

اسلام آباد ۔ 17 اپریل (اے پی پی) وزیر مملکت موسمیاتی تبدیلی زرتاج گل مسلم لیگ (ن) دی ترجمان مریم اورنگزیب دے بیان تے ردعمل دا اظہار کریندے ہوئیں آکھیاجو عوام کوں لٹنڑ آلے کرپشن کنگز ہن۔ کرپشن کنگز لوٹ مار نہ کریندے تاں اج حالات ایہ نہ ہوندے ۔ انہاں آکھیا جوا یہ سیاسی جماعتاں نئیں پرائیویٹ لمیٹڈ کمپنیاں ہن جنہاں ملک کوں لوٹیا۔ وزیر مملکت آکھیا جو انہاں دے ضمیر غلامی دی زنجیراں نال بدھے ہوئے ہن۔وزیراعظم عمران خان اتے وزیر اطلاعات فواد چوہدری سچ بولدن، تاں کرپشن کنگز کوں تکلیف تھیندی ہے۔زرتاج گل آکھیا جو اساں سچ بولدے راہسوں، عوام قوم دا پیسہ لوٹنڑآلیاں دیاں چیخاں سنڑدے راہسوں ۔