وسیع پیمانے تے شجرکاری موسمیاتی تبدیلی دے اثرات توں بچنڑ کیتے اہم اے ،اے منصوبہ گھٹ لاگت نال وختی مکمل کیتا ونجے ،صدر مملکت ڈاکٹر عارف علوی

اسلام آباد ۔ 29 اپریل (اے پی پی) صدر مملکت ڈاکٹر عارف علوی آکھیے جو وسیع پیمانے تے شجرکاری موسمیاتی تبدیلی دے اثرات توں بچنڑ کیتے بہوں اہم اے ،اےمنصوبہ گھٹ توں گھٹ لاگت دے نال وختی پورا کیتا ونجے ۔اے گال انہاں سنوار کوں ایوان صدر، پارلیمان اتے کابینہ بلاک دے احاطیں اچ شجر کاری متعلق ڈتی ونجنڑ آلی بریفنگ دے دوران آکھی ۔ بریفنگ اچ چیئرمین سینیٹ صادق سنجرانی تے سپیکر قومی اسملبی اسد قیصر وی شرکیتی۔ شجر کاری دے دوران ارکان پارلیمان اپنڑے ہتھاں نال گھٹ توں گھٹ ہک بوٹا لاون۔ لاتے ونجنڑ آلے بوٹیں اچ چنار، امل تاس ، آڑو، مالٹااتے لوکاٹ دے بوٹے شامل ہن ۔ صدر آکھیا جو اے منصوبہ گھٹ توں گھٹ لاگت نال وختی مکمل کیتا ونجے۔