اسلام آباد ۔ 2 اپریل (اے پی پی) وفاقی کابینہ انڈین پریمیئر لیگ(آئی پی ایل) آئی پی ایل دی نشریات تے پابندی، سماجی تحفظ تے انسداد غربت ڈویژن دا قیام ،آڈیٹر جنرل آف پاکستان اتے ملائیشین آڈٹ نال تعاون دے معاہدے دی منظوری،وژن انٹرنیشنل دے لائسنس، حسن عرفان خان دی آئی پی او توں برطرفی، ائیر مارشل ارشد ملک دی سی ای او پی آئی اے ،نیشنل انڈسٹریل ریلیشن کمیشن سانگے ترائے ممبراں دی تقرری، پی ایم ڈی سی ،او جی ڈی سی ایل ،ایس ایس جی پی ایل ،ایس این جی پی ایل سانگے نویں بورڈ سربراہان اتے ممبران،بینک عدالت لاہور،لاہور سیون اتے فیصل آباد سانگے ججاں دی تقرری،فاٹا دے خاصہ دار اتے بئی سکیورٹی فورسز سانگے58.3بلین دے فنڈز دی منتقلی اتے ای سی سی دے فیصلیاں دی وی منظور ی ڈے ڈتی اے۔وزیراعظم عمران خان دی گرمیاں اچ خصوصی طور رمضان المبارک اچ بجلی دی لوڈشیڈنگ نہ کرنڑ،کنڑک گھنڑ،آندی سردیاں اچ گیس دی مطلوبہ مقدار کوں یقینی بنڑاونڑ اتے نویں گاڈیاں تے ودھیکی رقم دے خاتمے سانگے جامع پالیسی بنڑاونڑ دی ہدایت کیتی اے۔وزیراعظم علی محمد مہر دے گھر تے ڈکیتی اتے زخمی تھیونڑ دے معاملے دی رپورٹ وی منگ گھدی اے۔منگل کوں وفاقی وزیر اطلاعات و نشریات چوہدری فواد حسین ’ وزیراعظم عمران خان دی صدارت وفاقی کابینہ دے اجلاس دے بعد میڈیا کوں بریفنگ اچ ڈسیا جو اجلاس اچ وفاقی وزیر پارلیمانی امور بریگیڈئر (ر) اعجاز شاہ پہلی واری شریک تھیے ،کابینہ دے ارکان انہاں کوں مبارک ڈتی ۔
