اسلام آباد ۔ 4 اپریل (اے پی پی) وفاقی وزیر اطلاعات تے نشریات چوہدری فواد حسین آکھیے جواج بھٹوصاحب جیندے ہوندے تاں اوہ وی ایں پیپلز پارٹی دے خلاف کرپشن احتجاج مارچ دا اعلان کر ڈیندے،اگرپیپلز پارٹی عدالتاں دا احترام کریندی ہے تاں ول احتجاج کیندے خلاف اتے کیوں کرنڑ دا اعلان کریندی ہے؟ بھٹو صاحب نال رشتے داری اتے بے نظیر بھٹو دا ناں کڈاں تئیں ویچ تے کھاسن؟تقریراں، چیخاں اتے دھمکیاں انہاں کوں احتساب توں نئیں بچا سگدیاں۔خمیس کوں وفاقی وزیر اطلاعات تے نشریات چوہدری فواد حسین اپنڑے ہک بیان اچ آکھیا جو کرپشن دے نشے دے عادیاں دا علاج تھیوے تاںا وہ مزاحمت کریندن، چنگا ہوسی جو ایہ لوک اپنڑیں کرپشن دے خلاف احتجاج کرنڑ۔انہاں آکھیا جو پیپلزپارٹی داذوالفقارعلی بھٹو نال صرف اتنا ہی تعلق ہے جتنا نواز شریف دی مسلم لیگ دا قائد اعظم محمد علی جناح دی مسلم لیگ نال ہے،صرف بھٹو صاحب نال رشتے داری اتے بے نظیر بھٹو داناں کڈاں تئیں ویچ تے کھاسن؟انہاں آکھیا جو بھٹو صاحب تاں تساکوں کرپشن سانگے کائنی آکھیا ہا ،تاں ول انہاں دا ناں استعمال کرتے کرپشن دا حساب ڈیونڑ توں نسد ے پئے ہیوے؟انہاں آکھیا جو قوم تساڈا حساب خود گھنسی،پہلے ہی ابو بچاو ٹرین مارچ ناکام تھی گئے۔انہاں آکھیا جو عوام دی عدم دلچسپی کوں ڈیکھدے ہوئیں اینکوں کاروان بھٹو دا ناں ڈیونڑ دی کوشش کیتی گئی،بھٹو دے نظریاتی اتے سچے پیروکار کرپشن دے نال چلنڑ سانگے تیار کائنی ہن۔
