اسلام آباد ۔ 14 اپریل (اے پی پی) وفاقی وزیر صحت عامر کیانی اسلام آباددی ہوااچ آلودگی دا نوٹس گھدے اتے ساری صورتحال دا جائزہ گھنڑ کیتے ماحولیات دے مشیر کوں خط وی لکھیے۔انہاں آکھیے جوآلودگی دے مسائل دے جائزہ کیتے فوری اقدامات کیتے ونجن تاں جو آلودگی نال پھیلنڑ آلیاں بیماریاں تے قابو پاتا ونج سگے جیندے نال سالانہ شہراں اچ22 ہزار اموات تھیندن اتے 7 سو بال وی مردن۔عامر کیانی خاص کر اسلام آباددے سیکٹر آئی نائن اتے آئی ٹین اچ صنعتاں دے خارج تھیونڑ آلی آلودگی بارے آکھیا جو ایندے نال نقصان دا اندازہ لاونڑ اتے نقصانات روکنڑ ضروری ہین،تاں جو انسانی صحت کو محفوط کیتا ونج سگے اتے او ایں مسلے تے وزیراعظم کوں وی توجہ ڈیویسن۔
