اسلام آباد ۔ یکم اپریل (اے پی پی) وفاقی وزیر پٹرولیم غلام سرور خان سنوار کو ں پاکستان اچ منرل ڈویلپمنٹ کارپوریشن دے دورے دوران صحافیاں نال گالھ مہاڑ آکھیے جو پٹرولیم مصنوعات دیاں قیمتاں عالمی منڈی اچ تیل دیاں قیمتاں نال جڑیاں ہوئیاں ہن ، حکومت اوگرا ولوں ودھارے سانگے بھجوائی گئی سمری منظور نئیں کیتی، عوام کوں اوگرا دی سمری دے الٹ ریلیف ڈٹا گئے ۔ غلام سرور خان آکھیا جو اوگرا ہر مہینے عالمی منڈی اچ تیل دی قیمتاں دی صورتحال دا جائزہ گھن تے پٹرولیم مصنوعات دی قیمتاں تبدیل کرنڑ دے حوالے نال سمری بھیجدی ہے،جیندے بعد سمری وزارت خزانہ اچ ویندی ہے اتے فائنل منظوری وزیراعظم ولوں دتی ویندی ہے۔ انہاں آکھیا جوپاکستان اچ پٹرولیم مصنوعات دی قیمتاں بھارت، بنگلہ دیش اتے بئے ملکاں دے مقابلے اچ گھٹ ہوندیاں ہن ۔ ایں ویلھا وی بھارت اچ ڈیزل دی قیمت پاکستان کنوں ودھ ہے ۔ انہاں آکھیاجواوگرا11 روپے توودھ ودھارے دی تجویز ڈتی ،جینکوں منظور نئیں کیتا اتے 6 روپے تئیں ودھارا کیتا گیا ،تاں جو عوام تے زیادہ بار نہ پووے۔ ایں موقع تے وفاقی وزیر پٹرولیم کو ں پاکستان معدنی ترقیاتی کارپوریشن امور دے حوالے نال تفصیلی بریفنگ وی ڈتی گئی۔ وفاقی وزیر کلین اینڈ گرین پاکستان مہم تحت بوٹا وی لاتا۔
