اسلام آباد ۔ 9 اپریل (اے پی پی) وفاقی کابینہ ’ نیا پاکستان ہاﺅسنگ اتھارٹی،عالمی معیار دی پہلی میڈیا یونیورسٹی بنڑاونڑ اتے پاکستان تے یو اے ای وچال فنانشنل انٹیلی جنس ایگریمنٹ دی منظوری ڈے ڈتی اے۔وفاقی کابینہ نے نیا پاکستان ہاﺅسنگ اتھارٹی،پاکستان کی پہلی عالمی معیار کی میڈیا یونیورمتروکہ وقف املاک بورڈ دی نویں سروں تشکیل، عمر رسول کوں سیکرٹری بورڈ آف انوسٹمنٹ، ایم ایس ایئر لیگل کوں ہک سال سانگے لائسنس دا اجرائ،گردیاں اتے جگر دی پیوندکاری پروگرام دی وزیراعظم آفس توں بیت المال اچ منتقلی،8ویں ویج ایوارڈ سانگے آئین،ننکانہ صاحت اچ گرونانک ریلوے سٹیشن بنڑاونڑ،شاہ نصرت کوں سول ایوی ایشن اتھارٹی دے چیئرمین اتے یونس ڈھاگہ کوں ترائے مہینے سانگے سٹیٹ لائف کارپوریشن دے ایم ڈی دی ودھیکی ذمہ واری ڈیونڑدی منظوری وی ڈے ڈتی گئی اے۔وزیراعظم بجلی اتے گیس دے وڈے چوراں کوں بے نقاب کرنڑ سانگے کاروائیاں تکھے کرنڑ دی ہدایت کیتی اے،جرمن حکومت دے 94ملین یورو دے فنڈز نال فیصل آباد اچ پیونڑ دے صاف پانڑی دا منصوبہ پورا کیتا ویسی،سارے سرکاری ادارے خط و کتابت سانگے محکمہ ڈاک استعمال کریسن۔منگل کوں وفاقی وزیر اطلاعات تے نشریات چوہدری فواد حسین دی وزیراعظم عمران خان دی صدارت اچ وفاقی کابینہ دے اجلاس دے بعد میڈیا کوں بریفنگ ڈیندیں ہوئیں آکھیا جو وفاقی وزیر خزانہ اسد عمر واشنگٹن پہنچ گن جتھاں او آئی ایف ایف نال معاہدے دے معاملیاں تے کم کریسن،آئی ایم ایف نال معاہدہ نیڑے پج گئے ،جلدی آئی ایم ایف نال معاہدہ تھی ویسی۔انہاں آکھیا جو اثاثے ظاہر کرنڑ دی سکیم شروع کیتی ویسی۔ہک سوال دے جواب اچ انہاں آکھیا جو نیب کرپشن دے کیسز بنڑیندا پے اتے پراسیکیوشن وی کریندا پے،اگر حکومت توں کوئی ریکارڈ چاہیدے تاں نیب دے رابطے تے حکومت ریکارڈ ڈیندی اے،حمزہ شہباز دی گرفتاری سانگے اگر نیب اساڈی حکومت نال رابطہ کریندا تاں بہوں نتیجے نکلدے،اے فیصلہ نیب کرنڑ ے جو حکومت دا تعاون چاہیدے یا کائنا۔انہاں آکھیا جو شہباز شریف دا ناں ای سی ایل توں کڈھنڑ تے فیصلے کوں سپریم کورٹ اچ چیلنج کرنڑ سانگے معاملہ وزارت قانون تے انصاف کوں بھجوا ڈتے ،وزارت قانون ڈسیسی جو وفاق شہباز شریف دا ناں ای سی ایل اچوں کڈھنڑ دے فیصلے کوں چیلنج کر سگدے یا نیب دا کم اے۔
