اسلام آباد ۔ 25 اپریل (اے پی پی) وزیراعظم عمران خان آکھیا جو وڈے انتظار دے بعد افغانستان اچ امن دے عمل نال خطے اچ امن سانگے تاریخ موقع ملیے جئیں دی پاکستان پوری حمایت کریندے،پاکستان امن دے عمل دی کامیابی سانگے سارے سفارتی اتے سکیورٹی تعاون کرنڑ سانگے پرعزم اے۔خمیس کوں وزیراعظم اپنڑے بیان اچ آکھیا جو گزریل 40سال اچ افغان تنازعہ نال پاکستان اتے افغانستان ڈوہیں متاثر تھین اتے ہنڑ ہک وڈے انتظار دے بعد افغانستان اچ امن دا عمل خطے اچ امن سانگے ہک تاریخی موقع پیش کریندے اتے پاکستان امن عمل دی پوری حمایت کریندے۔انہاں آکھیا جو پاکستان امن دے عمل دی کامیابی سانگے سارے سفارتی اتے سکیورٹی تعاون کرنڑ سانگے پر عزم اے۔انہاں آکھیا جو پاکستان افغانستان دے داخلی تنازعہ اچ فریق کائنا بنڑسی۔
