پاکستانیاں کوں اگو تے ودھنڑدے مساوی موقع ڈیونڑ کیتے ہکو جھیاں نصاب تعلیم ترجیح اے،وفاقی وزیر تعلیم شفقت محموددا پاکستان سمٹ دے افتتاحی سیشن نال خطاب

اسلام آباد ۔ 19 اپریل (اے پی پی) وفاقی وزیر تعلیم و پیشہ وارانہ تربیت شفقت محمود آکھیے جو پاکستانیاں کوں اگو تے ودھنڑ دے ہکو جھیں مواقع ڈیونڑ حکومت دی ترجیح اے،تعلیم دے معیار کوں چنگاں کرنڑ اچ ہر کہیں کوں رل مل تے حصہ پاونڑا ہوسی۔اے گالھ انہاں پاکستان سمٹ دے افتتاحی سیشن نال خطاب اچ آکھی۔انہاں آکھیے جو چلینجز دے باوجود معیار تعلیم اچا کرنڑ کیتے بہوں کم تھیندا پئے اتے ایندے چنگے نتیجے وی نکلدے پین،سکول ونجنڑ توں رہ ونجنڑ آلے ڈو کروڑ بالاں کوں سکول بھیجنڑ دی لوڑھ اے جیندے کیتے حکومت تیزی نال کم کریندی پئی اے،اساں جو آہدے ہیں او کر وی ڈکھیندے ہیں،امید اے جو تعلیم سودھے بئے سارے شعبیاں اچ سارے مسلیاں تے قابو پا گھنسوں،تریمتیں دی تعلیم تے وی توجہ ڈتی ویندی پئی اے۔