اسلام آباد ۔ 5 اپریل (اے پی پی) وزیر خارجہ شاہ محمود قریشی نال امریکی نمائندہ خصوصی برائے افغان مفاہمتی عمل زلمے خلیل زاددی اسلام آباد اچ ملاقات تھئی اے جیندے اچ ڈوہاں رہنماواں افغان مفاہمتی عمل اچ پیش رفت اتے اجوکے ڈو طرفہ تعلقات تے الوائے۔ شاہ محمود قریشی یقین ڈیوائے جو پاکستان افغانستان اچ سیاسی مصالحت کیتے نیک نیتی نال ہتھ ونڈیندا راہسی۔وزیر خارجہ شاہ محمود قریشی بین الافغان مذاکرات اچ تھیونڑ آلی پیش رفت دی تعریف کریندے آکھیا جو افغانیاں وچال مذاکرات افغان مفاہمتی عمل دا اہم جزو ہین،جیندے کیتے پاکستان سیاسی مصالحت سانگے نیک نیتی نال اپنڑا تعاون جاری رکھیسی۔ انہاں اے گالھ امریکی نمائندہ خصوصی برائے افغان مفاہمتی عمل زلمے خلیل زاد نال ملنڑ ویلھے آکھی۔زلمے خلیل زاد وزیر خارجہ کوں دوحہ مذاکرات اچ پیش رفت، افغان امن عمل کیتے اپنڑیاں ملاقاتاں دی تفصیل ڈسائی۔ مخدوم شاہ محمود قریشی آکھیا جو پاکستان، دیرپا تعمیر و ترقی دے ایجنڈے تے چلداپئے کیوں جو افغانستان اچ امن و استحکام پاکستان سودھا پورے خطے دے مفاد اچ اے۔
