اقوام متحدہ ۔ 12 اپریل (اے پی پی) اقوام متحدہ اچ پاکستان دی سفیر ڈاکٹر ملیحہ لودھی آکھیے جو پاکستان اقوام متحدہ ولوں جگ اچ امن برقرار رکھنڑ کیتے مشنزاچ تریمتیں دی شرکت ودھیندا پئے،ایں سانگے عالمی ادارہ دا رکھیا گیا 15 فیصد ہدف پہلے ہی مکمل کرگھدے۔اے گالھ انہاں سلامتی کونسل دے اجلاس نال خطاب اچ آکھی۔انہاں آکھیا جو امن فوجاں اچ تریمتیں دی اضافی شرکت اتے ثالثی کرداراچ ودھ تریمتیں دی حوصلہ افزائی تنازعات دے حل اچ تعمیر نو اتے استحکام سانگے مددگار ثابت تھیسی، اقوام متحدہ دے امن مشنزکیتے سب توں ودھ فوج بھیجنڑ دی حیثیت نال پاکستان امن برقرار رکھنڑ دے مینڈیٹ دا ہمیشہ اعلیٰ ترین معیار برقرار رکھیے،عالمی امن و سلامتی دے ودھارے کیتے مرد فوجیاں آلی کار پاکستان دیاں تریمتیں امن فوجیاں وی ہمیشہ مثالی صلاحیت، ذمہ داریاں اتے پیشہ ورانہ اہلیت ڈکھائی اے، پاکستان جمہوریہ کانگو اچ تریمتیں دی ہک ٹیم وی تعینات کریسی۔
