پاکستان اچ سیاحت کوں پروموٹ کرنڑ پہلی ترجیح ہے، ذوالفقار عباس بخاری

اسلام آباد ۔ 18 اپریل (اے پی پی) وزیر اعظم دے معاون خصوصی ذوالفقار عباس بخاری آکھیے جو پاکستان اچ سیاحت کوں پروموٹ کرنڑ پہلی ترجیح ہے۔انہاں آکھیا جومیں چاہنداں جو سیاحت دے شعبہ اچ پرائیویٹ سیکٹر اساڈے نال کھڑا تھیوے،ایں حوالے نال انہاں دے سارے تحفظات دور کیتے ویسن۔ ”اے پی پی“ نال گالھ مہاڑ کریندے ہوئیں ذوالفقار بخاری آکھیا جو پاکستان اچ سیاحت دے حوالے نال تنوع کوں ڈیکھنڑ دی ضرورت ہے، اساڈے ملک وڈا خوبصورت ہے اتے اساں سیاحتی اہم جئیں تے چنگا ہوٹل بنڑیسوں تاں جو غیر ملکی سیاح اپنڑیاں فیملیز دے کٹھے چھٹیاں گزار سگن۔ انہاں دا آکھنڑ ہا جو اساڈی سیاحت دا محور فیملی اتے نینگر ہونڑ چاہیدن۔