پاکستان دہشتگردی تے ہی قابو نئیں پاتا بھل اسلام اتے دہشت گردی دی غلط تشریح کوں وی غلط ثابت کیتے، صدر مملکت ڈاکٹر عارف علوی

اسلام آباد ۔ 14 اپریل (اے پی پی) صدرمملکت ڈاکٹرعارف علوی آکھیے جو پاکستان دہشتگردی تے ہی قابو نئیں پاتا بھل اسلام اتے دہشت گردی دی غلط تشریح کوں وی غلط ثابت کیتے، طاقت کہیں وی مسلے دا حل نئیں تھی سگدا،کشمیرتے فلسطین ہک ڈینہہ ضرور آزاد تھیسن، پاکستان کشمیری بھراواں دی سیاسی سفارتی اتے اخلاقی حمایت جاری رکھیسی۔ اے گالھ صدر مملکت ڈاکٹر عارف علوی اسلام آباد اچ پاکستان علماءکونسل ولوں چوتھی پیغام اسلام کانفرنس نال خطاب اچ آکھی۔ انہاں آکھیا جو اسلام دا سنیہاہمدردی اتے مساوات اے‘ پاکستان افغان مہاجرین کوں پناہ ڈے تے جگ کوں ڈسا ڈتے جو انسانیت کیاہوندی اے، حضور نبی کریم ﷺ دا جیونڑ ساڈے کیتے مشعل راہ اے‘ آپﷺ پوری امت کیتے سراپا محبت ہن۔ صدر مملکت آکھیا جو پاکستان جدوجہد آزادی اچ کشمیر اتے فلسطین دے نال کھڑے، سارے جگ کوں ڈسیسوں جو کشمیر اتے فلسطین اچ انسانیت دے نال کیا کیا ظلم نئین تھیندا پیا،جگ ڈیکھ گھنسی جو ہک ڈینہہ ضرور کشمیر اتے فلسطینا ٓزاد تھیسن کیوں جو طاقت کہیں وی مسلے دا حل کڈاھیں نئیں ریہا۔انہاں آکھیے جو پاکستان دہشتگردی دے خلاف جنگ اچ70ہزارانسانی جاناں دی قربانی ڈے تے کامیابی گھدی اے،پاکستان جگ کوں ڈسائے جو اساں دہشتگردی تے قابو ہی نئیں پاتافلسفہ امن وی ثابت کر ڈتے۔صدر مملکت علماءتے زور ڈتا جو او عوام کوں صفائی، پانی دے استعمال اتے شجرکاری جھیں سماجی مسائل بارے ڈساون۔صدر مملکت کوئٹہ دھماکے دی وی شدید مذمت کیتی۔صدر آکھیا جو وزیر اعظم دا وژن اتے سماجی تبدیلی دا سفر وں ویلھے مکسی جڈاں ملک اچ مدارس اتے تعلیمی اداریاں اچ ہکو سواں نظام ہوسی،جیکر پاکستان اتے سعودی عرب کٹھے تھی ونجن تاں جگ دی کوئی وی طاقت مسلماناں کوں نقصان نئیں پچا سگدی۔